Bessie Smith

D Bessie Smith [ˈbɛsɪ ˈsmɪθ] (* 15. April 1894^[1] z Chattanooga, Tennessee; † 26. Septämber 1937 z Clarksdale, Mississippi) isch en amerikanischi Bluessängere gsi. Si isch vor allem in de 1920er Joor aktiv gsi. Si het denn mee as 150 Schallblatte ufgnoo und het dr Übernaame Kaiserin vom Blues äberchoo.^[2]

Si isch noch eme Autiumfall umchoo, wo s verschiideni Wersioone drvo git. Äini verzelt, ass si im ene Spiddaal für Wissi nid ufgnoo worde sig und uf em Wääg zum en andere Spiddal verbluetet sig, das haltet mä aber hüte nid für woor.

D Bessie Smith isch 1980 in d Blues Hall of Fame ufgnoo worde und 1984 in d National Women's Hall of Fame. 1989 het si posthum dr Lifetime Achievement Award überchoo.

1. ↑ Noch Carlo Bohländer Reclams Jazzführer (1989), Wolf Kampmann Reclams Jazzlexikon (2003) und PanAfricanNews und FindAGrave; dr Jazz Rough Guide (1999) git 1895, Studs Terkel hingege 1892 as Geburtsjoor aa. E Geburtsurkunde vo dr Bessie Smith existiert aagääblig nit.
2. ↑ Zit. noch Helmut Schilda Archivlink (Memento vom 31. Oktober 2010 im Internet Archive)